ओसाकामा ६औँ बीएफसी लालिगुराँस कप २०२६ को तयारी पूरा, विजेताले ४ लाख येन पाउने
ओसाका, जापान । जापानको ओसाकामा आयोजना हुन लागेको ६औँ बीएफसी लालिगुराँस कप २०२६ फुटसल प्रतियोगिताको सम्पूर्ण तयारी पूरा भएको आयोजक बेन्तेन्चो एफसीले जनाएको छ।
शनिबार, सेप्टेम्बर २६, २०२६ मा आयोजना हुने प्रतियोगितामा विभिन्न टोलीहरूको सहभागिता रहनेछ। प्रतियोगिता बिहान १० बजेदेखि सुरु हुनेछ भने सहभागी टोलीका खेलाडीहरूको टिम चेक–इन बिहान ९ बजे हुने आयोजकले जनाएको छ।
प्रतियोगितामा सहभागी टोलीहरूलाई विभिन्न समूहमा विभाजन गरी समूह चरण, प्रि-क्वार्टरफाइनल, क्वार्टरफाइनल, सेमिफाइनल हुँदै फाइनल खेल सञ्चालन गरिनेछ।
प्रतियोगिताको विजेता टोलीले ४ लाख येन नगदसहित ट्रफी र मेडल प्राप्त गर्नेछ। त्यस्तै, उपविजेता टोलीले २ लाख येन नगदसहित ट्रफी र मेडल प्राप्त गर्नेछ।
व्यक्तिगत विधातर्फ उत्कृष्ट खेलाडी (Best Player), उत्कृष्ट गोलरक्षक (Best Goalkeeper) र सर्वाधिक गोलकर्ता (Top Scorer) लाई जनही ५ हजार येन नगदसहित ट्रफी प्रदान गरिने आयोजकले जनाएको छ।
पुरस्कार विवरण
- 🏆 विजेता: ¥४००,००० + ट्रफी + मेडल
- 🥈 उपविजेता: ¥२००,००० + ट्रफी + मेडल
- ⭐ उत्कृष्ट खेलाडी: ¥५,००० + ट्रफी
- 🧤 उत्कृष्ट गोलरक्षक: ¥५,००० + ट्रफी
- ⚽ सर्वाधिक गोलकर्ता: ¥५,००० + ट्रफी
प्रतियोगिता FAB3 फुटसल पार्क निशिकुजो (FAB3 フットサルパーク西九条) मा आयोजना हुनेछ।
आयोजकले प्रतियोगितामा सहभागी हुने सम्पूर्ण टोली तथा खेलाडीहरूलाई निर्धारित समयमै उपस्थित भई टिम चेक–इन तथा आवश्यक प्रक्रिया पूरा गर्न अनुरोध गरेको छ।
फुटसलमार्फत खेलाडीबीचको आपसी सम्बन्ध, भाइचारा र खेलभावनालाई अझ मजबुत बनाउने उद्देश्यसहित आयोजना गरिएको प्रतियोगिता रोमाञ्चक र प्रतिस्पर्धात्मक हुने अपेक्षा गरिएको छ।
