ओसाका, जापान — जापानको ओसाकामा आयोजना गरिएको छैटौँ BFC Laligurash Cup 2026 फुटसल प्रतियोगिताको उपाधि NS Himeji FC ले जितेको छ। प्रतियोगितामा उत्कृष्ट प्रदर्शन गर्दै NS Himeji FC ले प्रथम स्थानसहित ४ लाख जापानी येन नगद पुरस्कार, ट्रफी तथा मेडल हात पारेको हो।

त्यस्तै, प्रतियोगितामा Beni FC ले दोस्रो स्थान हासिल गर्दै २ लाख जापानी येन नगद पुरस्कार, ट्रफी तथा मेडल प्राप्त गरेको छ।

दिनभर परेको लगातार वर्षाका बाबजुद पनि प्रतियोगितामा सहभागी टोलीहरूको उत्साह र खेलप्रतिको प्रतिबद्धतामा कुनै कमी देखिएन। आयोजक Bentencho FC को व्यवस्थापन तथा सहभागी टोलीहरूको सहयोगका कारण प्रतिकूल मौसमका बीच पनि प्रतियोगिता सफलतापूर्वक सम्पन्न भएको आयोजकले जनाएको छ।

प्रतियोगिता सम्पन्न भएपछि आयोजक Bentencho FC परिवारले दिनभरको झरीका बीच पनि साथ, सहयोग र सहभागिता जनाउँदै प्रतियोगितालाई सफल बनाउन योगदान गर्ने सम्पूर्ण टोली, खेलाडी तथा सम्बन्धित सबैप्रति हृदयदेखि नै धन्यवाद व्यक्त गरेको छ।

प्रतियोगितामा प्रथम स्थान हासिल गर्न सफल NS Himeji FC तथा दोस्रो स्थान हासिल गर्ने Beni FC लाई आयोजकले बधाई तथा आगामी दिनका लागि शुभकामना व्यक्त गरेको छ।

आयोजक Bentencho FC ले आगामी दिनमा पनि सबैको साथ, सहयोग र मायाको अपेक्षा गर्दै आगामी वर्ष पुनः अझ भव्य रूपमा भेट्ने प्रतिबद्धता व्यक्त गरेको छ।

🥇 प्रतियोगिताको मुख्य नतिजा

• प्रथम : NS Himeji FC — ¥400,000 + Trophy + Medals
• दोस्रो : Beni FC — ¥200,000 + Trophy + Medals
• आयोजक : Bentencho FC
• प्रतियोगिता : 6th BFC Laligurash Cup 2026
• स्थान : FAB 3 फुटसल पार्क 西九条, Osaka

सम्पूर्ण विजेता तथा सहभागी टोलीहरूलाई हार्दिक बधाई तथा शुभकामना। 💐🙏

---